إشعار الخصوصية

نحن في وكيل نجمع أقل قدر ممكن من البيانات. هذا الإشعار يشرح وش نجمع من نموذج الطلب في هذا الموقع، وليش، وكيف تتحكم فيه.

وش نجمع

• الاسم، واسم الشركة، والبريد الإلكتروني، والجوال إذا كتبته.
• عدد الموظفين والمجال ووصف المهام اللي تكتبه.
• وقت موافقتك على هذا الإشعار ونسخته.

وعند أي زيارة، يمر عنوان IP حقك على Cloudflare (مزوّد الاستضافة) لحماية الموقع، مثل منع الإرسال المتكرر والسبام، ويظهر في سجلات تشغيل مؤقتة. ما نحفظه مع طلبك.

ما نطلب ملفات، ولا بيانات عملائك، ولا أي بيانات حساسة. الموقع ما يستخدم أدوات تتبّع ولا إعلانات.

ليش نجمعها

للتواصل معك بخصوص طلبك فقط، بناءً على موافقتك. ما نبيعها ولا نشاركها مع أي جهة تسويقية.

وين تُحفظ

تُحفظ في قاعدة بيانات محمية على Cloudflare، ونبقي البيانات قليلة ونحذفها لما ما نحتاجها. وقد توصلنا نسخة من طلبك على بريدنا الإلكتروني عشان نرد عليك بسرعة.

كم مدة الحفظ

يحذف النظام تلقائياً كل طلب مر عليه ١٢ شهر. وإذا ما تحول طلبك لتعاون نقدر نحذفه قبل كذا، وتقدر تطلب حذفه بأي وقت.

حقوقك

لك الحق تطلب نسخة من بياناتك أو تصحيحها أو حذفها أو تسحب موافقتك في أي وقت، حسب نظام حماية البيانات الشخصية. راسلنا على wakeel.agentic@gmail.com.